أمير كرارة..أنا مش عبقري تمثيل

أعرب الفنان أمير كرارة عن سعادته الشديدة للنجاح الكبير الذي حققه في مسلسل الاختيار1، بعد أن جسد السيرة الذاتية لـ الشهيد أحمد المنسي.

وقال أمير كرارة: الاختيار1 كان تجربة عظيمة، ولغاية دلوقتي المنسي معايا في حتة تانية خالص، والمنسي نفسه غير في شخصيتي وطريقتي مع الناس في الكلام، وأثر فيا بشكل غير طبيعي، وجالي تليفون في آخر حلقة اتبسط بيها وقلبي وجعني، ابن المنسي كلمني في المشهد اللي اغتال فيه، وقال لوالدته تخيلي لو عمل كده، وصل لمرحلة إن هو بيتفرج حاسس إن عامل حاجة كويسة، وكان معانا في اليوم ده اتنين من المعركة وحضروا التصوير، وكان بيقولنا عملنا إيه بالظبط، ومشهد محدش يطلع ورايا مكنش مكتوب، ولحد النهارده العساكر بتقولي يا قائد، والداخلية بتقولي باشا مصر، وكلهم حبايبنا.

للخبر بقية في الأسفل.. ومن أخبارنا أيضاً:

دينا الشربيني تشوق جمهورها لفيلم “تاج”

لأول مرة لطيفة تكشف أسرار عن حياتها الشخصية ببرنامج “معكم منى الشاذلي”

تامر عاشور يطرح أحدث أغانيه تحت اسم “اصحى للكلام” عبر اليوتيوب

برمجية خبيثة في أندرويد تسرق النسخ الاحتياطية لواتساب

“مش هغني تاني لو فيها موتي”.. فنان شاب يعلن اعتزاله الفن ويبحث عن عمل

تعرفي على طريقة عمل عيش التميس السعودي

GeForce NOW تعلن إضافة منصة الألعاب Xbox Game Pass جنبًا إلى جنب مع Age of Empires IV

بمكونات بسيطة تعرفي على طريقة عمل شاورما اللحم

في عيد الأضحى.. تعرفي على طريقة الكبدة البلدي بالطماطم على أصولها

بمذاق لا يقاوم.. تعرفي على طريقة جديدة لعمل الكبدة بالردة

وواصل أمير كرارة: النجاح الكبير في الاختيار ينسب لأحمد المنسي مش لأمير، والدور كرم وهدية من ربنا، وأنا مش عبقري تمثيل خالص في أحسن مني مليون مرة، بس هو ربنا إداني الدور ده أنا، عايز إني يحصلي كده، وكان أي حد ممثل كبير أو صغير أو لسه بيبدأ كان هيحصلوا اللي حصل لأمير كرارة.

واختتم أمير كرارة: الشنب بطل في حياتي، وأنا شكرته قبل كده ساعة كلبش مع إن الشنبات كتير معرفش ليه الشنب بتاعي علق مع الناس، وحسين المنباوي مخلنيش أركب شنب في سوق الكانتو، وشيلت من الشنب كل شوية حتة علشان أعرف أخرج بيه في الشارع.

وحقق الجزء الأول من مسلسل الاختيار نجاحًا كبيرًا، حيث تصدرت مشاهده تريند مواقع التواصل الاجتماعي، وجسد فيه الفنان أمير كرارة شخصية الشهيد الراحل أحمد المنسي، وضم العمل مجموعة كبيرة من أبرز الفنانين ومنهم، أمير كرارة، أحمد العوضي، ماجد المصري، عابد عناني، إياد نصار، وآخرون.