بسمة وهبة: أوعى تتكسف أنك تشتري ربع كيلو لحمة خليك على قدك.. وفيه ناس مش هتقدر تضحي السنادي

تحدثت الإعلامية بسمة وهبة، على ارتفاع أسعار اللحوم، والتي ستجعل المعظم غير قادر على الأضحية، مستنكرة جشع التجار، وذلك خلال برنامجها 90 دقيقة.

وقال: عيد الأضحى بعد أيام وربنا يعيده علينا بالخير والبركة، وبثقافتنا كمصريين هو عيد اللحمة وكل الناس فيه بتتسابق عشان تضحي، ومش بس عشان السبب الديني بس عشان تدبح وتهادي بعض وتتصدق، وفيه ناس حرفيًا ومش ببالغ مبتعرفش طعم للحمة غير من العيد للعيد والكل بيتسابق في الخير، وخير عيد الأضحى هو خير الأضاحي.

للخبر بقية في الأسفل.. ومن أخبارنا أيضاً:

مصطفى شوقي يطرح أغنيته الجديدة “رموا طوبتي”

ريهام عبد الغفور تنضم لفيلم “أولاد حريم كريم”

محمد عبد المنعم مطلوب بشدة في الهلال

هل تقبل إيمان العاصي المشاركة في مسلسل جعفر العمدة 2؟.. إجابة صريحة من الفنانة!

مالكوم: برشلونة لم يكن عادلاً معي

عمرو سلامة يكشف عن خذلانه لـ أحمد حلمي في هذا الفيلم: قصة بائسة في حياتي؟!

منى هلا تكشف عن قرارها بعدم الإنجاب.. والسبب؟!

لوكاكو يقرر موقفه من انتقال الهلال

أسامة الرحباني يكشف رأيه في تقنية الذكاء الاصطناعي

تعليق مفاجئ من منى هلا على ارتداء شقيقتها للحجاب.. والمفاجأة بما قالته عن سعاد حسني؟!

وتابعت: بس للأسف السنة دي الوضع غير وبقى واضح كده ارتفاع أسعار اللحمة وفيه ناس مش هتقدر تضحي، مش هنقدر ننكر إن إحساس صعب على الناس اللي متعودة تدبح في العيد واللي في القرى والشوارع المحتاجة أنها تستنى عشان يدخل بيته 2 أو 3 كيلو لحمة من أهل الخير.

وأضافت: أوعى تتكسف أنك تشتري ربع كيلو لحمة خليك على قدك وواثق من نفسك ووفقًا للأرقام والاحصائيات مفيش إقبال على شراء الأضاحي السنة دي.

واشارت: عايزة أقول منهم لله.. اللي هما كل تاجر جشع كل صاحب مزرعة مش بيراعي ضميره، كل تجار أزمات الأعلاف وكل اللي لعبوا في سوق اللحمة وتسببوا في ارتفاع أسعار الأضاحي 3 أضعاف السنة اللي فاتت.. سرقوا فرحة الناس الغلابة بعيد اللحمة لأن المضاربات اللي عملوها وجشعهم اتسبب في رفع أسعار اللحمة بالشكل ده عارفة أن الأسعار غالية.

واختتمت: متقولوش العلف والدولار أنتم بتقعدوا تسمنوا في الخروف بتاعك وتحط له ملح في العلف ويوزن وتضحك على الزبون يا غشاشين يا كدابين.