حزن يخيم على مواقع التواصل.. البلوجر سارة محمد تفقد بصرها نهائياً

كشف الحساب الرسمي للبلوجر المصرية سارة محمد، عن فقدانها البصر نهائياً بعد الحادث المأساوي الذي تعرضت له.

تم نشر منشور على حساب البلوجر سارة محمد، جاء فيه ما يلي: «سارة فقدت أخر أمل كانت متمسكة به.. للأسف النتيجة النهائية سارة فقدت بصرها.. اللهم إنا لا نسألك رد القضاء ولكن نسألك اللطف فيه».

وجه بعض الفنانين والمطربين الدعم لسارة محمد فكتب تامر حسني: “معرفش الكل يعرف قصة سارة أو لأ بس سهل اوي للّي ميعرفش انه يعرف.. بحق الليلة الفضيلة دي يا سارة ليلة النصف من شعبان ربنا يكرمك وميعديش بكرا الا وانتي سامعه خبر جميل يطمنك ان عينك هترجع تاني ان شاء الله ادعوا معايا يا جماعه انا متفائل خير ليها اوي”.

وتابع : “وكل الشكر لموقف ريهام سعيد معاها من اول المحنه اللي بعون الله ساره بقوتها و ايمانها بربنا هتخليها (منحه) وكل الشكر للفنانين الطيبين ولاد البلد الجدعان اللي اهتموا بيها سعد و شيبة و انا قريب ان شاء الله هاجيلها و كل الشكر للناس الجميلة اللي بيروحولها اسكندريه يهونوا عليها  …. دعوات الكل اليوم ده مهمه اوي  يارب يارب تفرح قلبها و تشفيها و تهون عليها و تفرحنا بأجمل خبر ليها يارب يارب يارب تشفيها و تشفي كل مريض اللهم آمين”.