بعد اعتزالها التمثيل.. سميرة محسن: معنديش إحساس بالندم إني اعتزلت.. وأنا مبسوطة جدًا إني احترمت نفسي والشغلانة

كشفت الفنانة سميرة محسن، عن تفاصيل اعتزالها وابتعادها عن مجال التمثيل على مدار الثلاث سنوات الماضية، وذلك خلال تصريحات صحفية لها.

وقالت: أنا مكتفية بإني بدّرس في المعهد، مش عاجبني الشغل مش عاجبني الممثل إن الممثل يقعد يصور 18 ساعة عشان رمضان فاضل عليه يومين، ولما نصور كل ده هياخدوا مننا إيه أداء؟ هياخدوا منه ازاي جفن ووش يعبر؟ ولا حاجة ولا يبقى فيه بحق وحقيقي، مش عاجبني إن ممثل يدخل يصور ومعاه 5 حلقات، هيمثل ازاي؟ هيعرف دوره ازاي؟ مهو الشخصيات بتطور ولها بداية ووسط ونهاية، هنعرف الوسط والنهاية من الـ 5 حلقات ازاي؟

للخبر بقية في الأسفل.. ومن أخبارنا أيضاً:

بعد أزمتها الأخيرة بسبب منشور الخروف.. فريدة سيف النصر تدافع عن رضوى الشربيني؟!

الفنانة سميرة محسن تعلن اعتزالها التمثيل

رد صادم من هنا الزاهد على مذيع سألها عن سبب عدم إنجابها.. لن تتوقعوا ما قالته؟!

نوال الزغبي: نحن في زمن ينتظرون المُحترم يخطئ لإثبات أنه غير مُحترم

تعليق مفاجئ من محمد هنيدي على اتهام جمال عبد الحميد بتعاطيه المخدرات؟!

هالة صدقي تعبر عن رأيها الصريح في عمرو دياب.. لن تتوقعوا ما قالته؟!

بحضور نجوم الفن.. شيكو يحتفل بعيد ميلاده

صفاء أبو السعود تحصل على هدية قيمة من فتاة من ذوي الهمم بحفلها بمسرح الماركية

وفاة المنتج بيل إمرمان عن عمر 85 عامًا

لأول مرة.. المكلف باغتيال عادل إمام يخرج عن صمته ويكشف التفاصيل بعد سنوات

وأضافت: درسنا إن لازم الورق يبقى كله معانا، ده مش شغل تمثيل وطريقة متربيناش عليها، اللي بيحترم نفسه يقعد، ميضيعش تاريخه، كل الكويسين اعتزلوا، اللي بيتوقف بيحترم نفسه ويحترم الشغلانة أنا مش ببيع في بقالة أنا بعمل فن، ياما يبقى فن حقيقي يأما أقعد في البيت، أنا بمارس شغلتي في التدريس في المعهد معنديش أي وقت حاليًا.

وتابعت: معنديش إحساس بالندم إني اعتزلت وأنا مبسوطة جدًا إني احترمت نفسي والشغلانة واللي سافرت عشانها بعثة 4 أو 5 سنين عشان اتعلم، ولو بصيتوا دلوقتي على الوجوه الجديدة اللي بياخدوا أدوار مهمة بيبقوا من بره المعهد، خلاص اللي يحترم نفسه يقعد، اللي محتاج أكل عيش يشتغل، مش بفرض على الزملاء إنهم يعتزلوا، اللي محتاج يشتغل يشتغل، واللي مأمن نفسه وعنده إمكانيات يقعد.

وأختتمت: أنا مش قاعدة في البيت بشتغل في المعهد 6 أيام يعني مش حاسة بفراغ يجوز فيه بعض الفنانين اللي بيكملوا عشان ميحسوش بفراغ، اللي هوحشه يفتح اليوتيوب هيلاقي شغلي من فترة السبعينيات، أنا أول شغل اشتغلته كان مع حسين كمال وبعده كان عاطف الطيب يعني اشتغلت مع عظماء الفن، كل ما الممثل بيكبر بيدوله أدوار هايفة؛ لأن الكاتب بيكتب للشباب اللي زيه.