بعد تعرضها للهجوم واتهامها باستغلال الشباب وتشغيلهم دون أجر.. رد ناري من دانا حمدان يُسكِت الجميع؟!
(أحداث نت / ليلى حسن)
اتُهِمَت الفنانة دانا حمدان باستغلال الشباب وتشغيلهم بالمجان بعد أن أعلنت عن مسابقة لمهندسي ديكور شباب، وذلك لتجهيز الشقة الجديدة التي ستنتقل لها.
وخرجت دانا حمدان وردت على الاتهامات، قائلة: “لم أتعرض لهجوم من قبل ولا أعرف من هؤلاء وما الهدف من هجومهم عليّ دون مبرر، كلامي كان واضح جدا ولا يوجد به شيء يستدعي الهجوم”.
للخبر بقية في الأسفل.. ومن أخبارنا أيضاً:
تامر عبد المنعم يكشف رأيه في الحجاب بكل وضوح.. لن تتوقعوا ما قاله!!
محمود ياسين جونيور يكشف عن رأيه في موضة القميص الشفاف؟!
سليمان عيد يكشف سر نجاح حياته الزوجية.. وهذا رأيه في عمل المرأة؟!
خروج أول سيارة من طراز Denza N7 الكهربائية ذات الدفع الرباعي من خط الإنتاج
هاني مهنا يكشف رأيه في المطربة التي تستحق لقب “صوت مصر”.. هل هي شيرين أم أنغام؟!
ظهور هاتف OnePlus V Fold في إصدارات جديدة
مصطفى قمر يعلن انضمام زوجته إلى فيلمه “أولاد حريم كريم”
فيفي عبده: شيرين عبد الوهاب من حقها تغلط.. ومحمد رمضان مش عارفه ليه ربنا رازقه
سعد الصغير يهاجم بوسي: أنا السبب في شهرتها.. ورفضت تدي لأبوها 4000 جنيه عشان يعمل عملية في عينه
في هذا الموعد.. لبنى عبد العزيز ضيفة الفضائية المصرية
وأضافت: “أنا مغلطتش في حد أو ناقشت موضوع شائك لكن بقترح فكرة ليست من اختراعي ولكنها موجودة في العالم كله واتعملت برامج وكسرت الدنيا عالميا وبدأت أفكر فيها بخطوة ولو الخطوات نجحت أطورها لحلقات برنامج وقلت ده في الفيديو”.
وتابعت: “ما قلتش هشغل حد ببلاش، ولا قلت هشغلهم مقابل إعلان، وهفترض إني اقترحت إني أشغّلهم مقابل إعلان في الحالة دي هيكونوا هما المستفيدين مش أنا، أنا في بدايتي قدمت 10 أعمال دون مقابل مادي وقالوا لي اشتغلي علشان الناس تعرفك وعلشان الانتشار، والشركات الكبيرة بيجيبوا خريجين الجامعات تدريب مقابل أجور رمزية”.
وواصلت: “هل لو شاب قدم على برنامج مواهب بيروح يقول لهم هغني مقابل فلوس أكيد لأ، ولكن بيكون مقابل إنهم ينتجوله ألبوم أو إنه يظهر قدام الناس، وياما فنانين بدأوا ببرنامج المواهب وفيه اللي نجح وفيه اللي كمل وفيه لأ، وفكرة إنك تاخدي حاجة مقابل الإعلان والدعاية والمعرفة متعارف عليها عالميا في عالم التسويق وإلا كانت الشركات الكبيرة ما تلجأش للفنان في الإعلانات”.
وأكملت: “ولو كان اللي اتقال فعلًا في نيتي أو في بالي فين العيب إني أقول تعالوا اعملوا البروجيكت مقابل الناس هتعرف شغلكم، وممكن ده يفتح لهم فرص ويأسسوا شركة ويعملوا حاجة”.
وأوضحت: “أنا مش بتاعة الكلام ده، ولو في نيتي ببلاش مش هروح على الملأ، هل أنا عبيطة، أنا عندي صحابي بعتوا ليا يعاتبوني وبيقولوا لي عاوزة تجيبي شباب وإحنا موجودين، ولكن أنا بعمل ده كنوع من الدعم للشباب”.
وتابعت: “عمري ما اتعرضت للهجوم ده، دي أول مرة لأني أنا اللي متابعني عارف المحتوى بتاعي مفيهوش شيء يستدعي النقد ومش عارفة اللي عمل ده عاوز يطلع بإيه وإيه الاستفادة، وعارفة إن نص الناس اللي علقت ما شافوش الفيديو”.
وأضافت: “جات لي رسايل كتير من شباب وماسكة الدفتر بكتب نمر وتخصص كل واحد من كتر الناس اللي حبوا الفكرة، وفهموا أنا بتكلم في إيه، لأن في شباب بيتخرج ومش بيجيلهم فرص شغل، وممكن بعد البروجيكت الناس تاخدهم، وهل أنا همسك لهم العصاية هل غصبتهم محدش يقدر يجبر حد على حاجة، لو حد حب الفكرة عشان هو حابب ده مقدرش أجبر حد على حاجة”.
وأكملت: “الناس بعتت لي ما تزعليش، وأي فكرة جديدة طبيعي دايما مش بتلاقي استحسان يمكن لأن الناس مش فاهمة، فأنتي مبتكونيش شايفة خلفية اللي بينقدك وما تعرفيش هو فاهمك ولا مش فاهمك ويمكن مضايق أو مش سوي ممكن في حاجات كتيرة جدًا”.
وأنهت حديثها: “معنديش مبدأ أشغّل حد ببلاش، بدي الناس حقها قبل ما تخلص شغلها، لأن اللي بيشتغل مقابل بينتج أكتر، وبعيد عن كل الليلة دي ده مبدأي في الحياة ومتأكدة بعد ما نخلص ونشوف فرحة الشباب والنجاح اللي عملوه هيفهموا كنت بتكلم في إيه ومتأكدة إن الموضوع هياخد منحنى آخر”.
