مجدي الهواري يحيي ذكرى وفاة علاء ولي الدين: مات بعد ما ضحى واطمن على أمه وإخواته

أحيا المخرج مجدي الهواري ذكرى وفاة الفنان علاء ولي الدين في أول أيام عيد الأضحى المبارك، مشيرًا إلى أنه رحل في مثل ذلك اليوم منذ عشرين عامًا صُدم عندما سمع نبأ وفاته.

ونشر مجدي الهواري صورة علاء ولي الدين عبر حسابه الشخصي على فيسبوك، وعلق قائلًا: وكأنه امبارح.. زي النهارده من عشرين سنة مات صديقي عمري علاء ولي الدين الله يرحمه.. وأنا مازلت في انتظار مكالمته إلى الآن!! قمت يومها من النوم أول يوم العيد على الخبر الصادم كنت نايم وكأنه امبارح! كان صوته قبل ما أنام آخر حاجة سمعتها يومها.

للخبر بقية في الأسفل.. ومن أخبارنا أيضاً:

مقلب رامز جلال في بيومي فؤاد بمساعدة أكرم حسني

موعد عرض مسلسل “سيب وأنا أسيب” لـ أحمد السعدني وهنا الزاهد

سعر كيا سبورتاج موديل 2023 فى مصر

هستناكوا.. ويجز يطرح اغنية جديدة في حفلته الجديدة في التجمع!!

اغلى كثيرا من الجيل الأول.. اعرف قائمة أسعار Nothing Phone 2

شباك التذاكر.. بيت الروبي يخطف المركز الأول و«ب 19» يحقق 353 جنيها!!

بعد أن تبرأت منه.. حلا شيحة تثير الجدل بأغنية من فيلم مش أنا لـ تامر حسني

مي فاروق هذه الفنانة الوحيدة التي تستحق لقب صوت مصر

تامر حسني يحمس جمهوره ومتابعيه لفيلمه الجديد “تاج”

صناع فيلم “شوجر دادي” في ضيافة برنامج “يحدث في مصر” مع شريف عامر

وتابع مجدي الهواري: وآخر جملة قالها يا مجدي محتاج أنام أنا راجع من رحلة طويلة ومتعبة عايز أشوفك أحكيلك.. هصحى من النوم على صلاة العيد الأضحى وأكلمك.. وأشوفك أنت وحشني جدا ولو صاحي خدني نتفرج على فيلمك الجديد في البدري أول حفلة زي ما بنعمل الفيلم كان ميدو مشاكل.. طبعا وديه كانت طقوس بنعملها دائمًا أنا وهو في كل فيلم ينزل ندخل حفلة 10 صباحًا في الروقان! وقالي ونكلم أحمد عبد الله وأحمد حلمي علشان أباركلهم وكمان نكلم شيرين آه يا ليل.

وأردف: وقاعدنا نضحك جامد جدًا في التليفون.. ويحكيلي عن كواليس تصويره في البرازيل فيلمه الجديد بالعربي تعريفه إخراج عمرو عرفة.. وقالي قد إيه تعب في التصوير هناك ويحكيلي إن الشغل طالع حلو.. والرحلة الطويلة اللي كان نفسه يطلب فيها مرة واحدة بس مربى فراولة من الفندق بس مكنش عارف اسمها إيه بالبرازيلي.. وإنه قد إيه مفتقد كواليس شغلنا مع بعض!

وأضاف مجدي الهواري: طبعًا لأن ده كان أول فيلم يعمله مع منتج تاني بعد عبود والناظر وابن عز اللي كان حظي حلو إني أعمله أهم ثلاث أفلام في حياته والبطولة المطلقة.. ده غير فوازير أبيض وإسود الجزء التاني طبعًا.. وقمت من النوم عرفت إنه توفي بعد ما ضحى وعمل كل الخير واطمن على أمه وإخواته.. وفضلت مش مصدق كتير ولا عايز أصدق ويومها نزل الفيلم ميدو مشاكل أول حفلة اللي مفروض نروحها سوا ونجح وجاب أعلى إيراد يوم في تاريخ السينما في أفلام العيد.. وبقت الناس تكلمني تقولي البقاء الله في صديقك علاء ولي الدين.. وألف مبروك على فيلم ميدو مشاكل لأحمد حلمي.. ومكنتش الحقيقة برد على الأولي! ولا التانية! كنت مذهول!