ياسمين عز تكشف عن مميزات الزواج بمهندسة ومدرسة

كشفت الإعلامية المصرية ياسمين عز، عن مميزات الزواج  من مهندسة ومدرسة، وذلك خلال برنامجها كلام الناس المذاع عبر قناة Mbc مصر الفضائية.

وقالت: يا سعدك يا هناك يا فرعون لو اتجوزت مهندسة لأن فخامة الاسم تكفي، ومش هتكون محتاج حاجة من الدنيا، بنت على الفرازة وزي ما الكتاب بيقول، واوعى تصدق الشائعات المغرضة اللي بتكتب أن بنات هندسة مسترجلين ومش حلوين، دول ملكات جمال من نبت شعرهن لأخمصهن، وكل خطوة بحساب وكل قرار محسوب بالمازوة وحياتك معاها هتكون بالمسطرة.

للخبر بقية في الأسفل.. ومن أخبارنا أيضاً:

عبير الشيخ عن الذكاء الاصطناعي: احنا في خطر حقيقي والموضوع شائك جدًا

سارة نخلة: مينفعش نجمة بحجم حورية فرغلي تطلع تقولك منعوني من التبني

فتحي عبد الوهاب: السينما فن ترفيهي.. ومحمد السبكي من الناس المهمة لصناعة السينما

مصطفى شوقي يطرح أغنيته الجديدة “بومبا”

في هذا الموعد.. رامي جمال ضيف برنامج “حبر سري” مع أسما إبراهيم

هالة صدقي تعبر عن رأيها الصريح في عمرو دياب.. لن تتوقعوا ما قالته؟!

في هذا الموعد.. نانسي عجرم تحيي حفلًا غنائيًا في لبنان

بعد تدهور حالته الصحية.. نقل الشاعر شوقي حجاب للعناية المركزة

نبيل الحلفاوي يكشف سر خطير عن أغنية سطلانة وعلاقتها بنادي الزمالك

تعرف على إيرادات فيلم” تاج” للفنان تامر حسني

وأضافت: هقول لك على ميزة رهيبة في المهندسة وهي أن حواجبها الاتنين قد بعض بالظبط والبنت المهندسة بتتعرف من حواجبها لأنهم بيكونوا مظبوطين وقد بعض بالملي في شكل متناسق انبهاري ويسر الناظرين.

وتابعت: لما ترتبط بمهندسة هدومك هتكون منظمة جدًا، والمشكلة بتاعة فين فردة الشراب مش موجودة عند الست المهندسة الفردتين مع بعض أيا كان لونهم إيه، والمفاجأة إن البنت اللي بتدرس هندسة حرفية بلاي ستيشن، لأن حياتها كلها كباري وتشميس وتكعيب وعرض وطول ومش بعيد تشيلك اسكور.

واستكملت: من أهم مميزات المهندسة إنها لما تيجي تعمل لك أكل مش هتلاقي صباع في ورق العنب مش قد التاني أو مش مظبوط وحلة المحشي مرصوصة رصة هندسية متكالمة الأضلاع والأبعاد، وطول ما أنت بتاكل هتقول لها الله ينور على شغل الفنادق والهندسة، يعني فول أوبشن.

وتابعت: الست المهندسة تعرف تتعامل مع أي راجل أو فرعون مهما كانت صفاته وحياته زوجة ناجحة بكل المنحنيات لأنها عرفت تتعامل مع السباك والنجار والمنجد فمعقول مش هتعرف تتعامل معاك أنت يا أبو كف رقيق وصغير.

وأكدت: إياك ثم إياك تنادي المهندسة حاف لأنها ما درستش وطلع عنيها علشان تقول اسمها حاف، لازم قبل اسمها تحط ميم شرطة أو تقول لها مهندسة فلانة.

وواصلت:  المدرسة تتجوزها وأنت في بطنك بطيخة صيفي ومعاك شهادة ضمان أن حياتك هتبقى سعادة وبهجة وفرح، لأن الأم مدرسة فما بالك لما تكون مدرسة أهي عظمة الجملة دي تكفي وتخليك منشكح، والمدرسة بالها طويل أوي واحدة قاعدة في فصل فيه 40 طالب بتقدر تتعامل مع كل طالب فيهم ما بالك أنت لوحدك يعني درس خصوصي في البيت زهتصحح غلطات حياتك وهتمسحها بأستيكة ومش هتفكرك بماضيك

واختتمت ياسمين عز حديثها عن مميزات الزواج من مدرسة قائلة: المدرسة دايمًا صاحبة واجب ونصيبها في الغدا هتسيبه ليك عادي، وشهادتها فيك عمرها ما هتكون مجروحة لأن هي هي بتاعة شهادات، والزوجة المدرسة هتشوف معاها الدلع كله وهتحس معاها أنك طفل أو بيبي صغير، وهي أطيب قلب ممكن تقابله ولو زعلتها في حاجة كفاية تهزر معاها وتقول لها ما تزعليش مني يا ميس هتلاقيها نسيت، ومواعيدها مظبوطة.